Летний лагерь

Бүгін №65 ЖББМ жанындағы "Солнышко" лагеріндегі балалары Ықылас Дүкенұлы атындағы халықтық музыкалық аспаптар мұражайында болды. Әлем бойынша музыкалық аспаптарға арналған музейлердің бірі саналатын Алматы қаласындағы Ықылас атындағы халық музыкалық аспаптар музейі 1981 жылы ашылып, 1990 жылы музейге Ықылас Дүкенұлы есімі берілді. Музейде қазақ халқының ұлттық музыкалық аспаптарымен қатар әлемнің 50-ге жуық елінің мәдениетімен таныстыратын 9 экспозициялық зал жұмыс істейді. Ұлы ақын Қадыр Мырза Әлінің «Нағыз қазақ қазақ емес, нағыз қазақ – домбыра» деген сөзін негізге ала отырып, балалар домбыралармен және басқа да музыкалық аспаптармен танысты. Сол себепті де аталмыш шараның маңызы аса зор болды деп есептейміз.